Lehen giroa Kabia da, eta bi espazio ditu. Horietako bat txikienentzako da. Prest daudenean, hurrengo espaziora igaroko dira, beren gaitasun kognitiboak, motorrak, sozialak eta afektiboak garatzen jarraitu ahal izateko.
Kabia espazio pedagogikoa haurtxoei zuzenduta dago, eta han egongo dira harik eta hurrengo espazio pedagogikora igarotzeko prest dauden arte. Hurrengo espazioa, bada, Haurren Etxea da. Haurtxoentzako kabia, beraz, aske mugitzeko, jolasteko, esploratzeko, barre eta negar egiteko, ukitzeko, miazkatzeko eta abarretarako tokia da.
Pedagogiaren ikuspegitik, kabia haurtxoek askatasunez jolastu eta aritzeko sortutako espazioa da. Bertan, beren garapen-etaparako egokiak diren jostailuak izango dituzte, eta garapen osoa errazteko zenbait faktore aintzat hartuko dira. Hain zuzen ere, hauek:

• Jolasgune egokia: Espazio zabala da, eta argi naturala du. Bertan, haurtxoek autonomiaz, etengabeko mugarik gabe eta gehiegizko estimulurik gabe esperimentatuko dute.
• Material egokia: Material naturalak erabiliko ditugu, manipula daitezkeenak eta bizipenetan oinarritzen direnak, jolas irekia eta konstruktiboa eta mugimendu askea ahalbidetuko dutenak.